Arbeidet startar hausten 2026. Byggjeperioden varer i 3,5 år, og kraftverket skal vere ferdig i 2030. 

Framdriftsplanen er overordna og kan bli justert undervegs. 

Eit så stort anleggsprosjekt vil merkast i eit lite lokalsamfunn som Bjørke. I periodar vil det vere stor aktivitet knytt til vegarbeid, transport og anleggsarbeid. 

Nede i bygda vil hovuddelen av arbeidet skje inne i fjellet, men innbyggjarar og besøkjade må rekne med auka transport for å frakte ut masse, enten langs vegen eller til sjøs. Opp mot fjellet vert det aktivitet knytt til vegbygging og damrehabilitering ved Tyssevatnet.  

Tussa legg opp til at utbygginga skal gi lokal aktivitet og konkrete tiltak i nærmiljøet. Vi har knytt til oss lokale entreprenørar og leverandørar der det er mogleg. Det er òg lagt til grunn tiltak som gatelys, ny og kraftigare kai og enkel tilrettelegging for friluftsliv. Overskotsmassar kan, der det passar, nyttast til lokalt nyttige føremål. 

Tussa II vil over tid gi auka inntekter til vertskommunen og eigarkommunane. Tussa er lokalt eigd av kommunane på søre Sunnmøre, Stryn og Stranda.

I samband med prosjektet skal Tussa oppgradere dammen i Tyssevatnet for å møte nye krav til damtryggleik og stå betre rusta mot framtidige klimautfordringar. 

Arbeidet på fjellet er avgrensa til sommar- og haustsesongen. Vi planlegg ikkje med vinterdrift på fjellet.

Tussa II er planlagt innanfor eksisterande vassdragskonsesjon, utan nye dammar eller nye overføringar, og anlegget ligg i hovudsak inne i fjellet. I samband med prosjektet skal Tussa oppgradere dammen i Tyssevatnet for å møte strengare krav til damtryggleik.

Tussa er ISO 14001-sertifisert innanfor miljøleiing, og søkjer kontinuerleg å betre sin eigen miljøprestasjon og fremje positiv påverknad på miljøet.

• Elektriske anleggsmaskiner  der det er mogleg
• CO2-nøytralt drivstoff
• Lågkarbonbetong der det er teknisk forsvlareg
• HMS og berekraft

• Investering: 1,55 mrd. kr
• Installert effekt: 150 MW (til samanlikning har Tussa kraftverk 60 MW)
• Byggjetid: Om lag 3,5 år, frå hausten 2026 til 2030