Biobrenselanlegget Ørsta Eldhus leverer miljøvennleg varme til ei rekkje verksemder i Ørsta sentrum.

I september 2011 vart Ørsta Eldhus, det første større biobrenselanlegget på søre Sunnmøre, sett i drift. Fullt utbygd leverer Ørsta Eldhus 10 GWh varme i året, hovudsakleg ved forbrenning av flis frå reint reverk og skogsvirke.

Omnen i eldhuset er stor, og varmar like mykje som 500 vedomnar til saman (5 kW/stk). Oppvarminga skjer ved at omnen i Ørsta Eldhus varmar opp vatn som blir frakta i rør ut til kundane. Forbrenning av treflis dekkjer 90 % av det årlege varmebehovet hos kundane. Ved forbrukstoppar og i periodar med lågt oppvarmingsbehov vil ein forbrenne gass.

Tekniske data

• Eldhuset produserer 8.000.000 kWh i året
• Til det trengst 10000 lkbm flis (2 500 000 kg)
• Maksimal driftstemepratur er 130 °C og normal driftstemperatur er 115 °C tur/ 75 °C retur

Fjernvarmenettet er 4,1 km langt, og består av rør som går frå Ørsta Eldhus til kundane. Eldhuset leverer varmt vatn fram til varmevekslarane hos kunden med ein temperatur på om lag 85° (110° til Tine Meieri). Kunden koplar seg så på “sekundærsida”og kan nytte dette til oppvarming av bygget. Vatnet går så i retur til Ørsta Eldhus for ny oppvarming. Omnen produserar 2500 kWh i timen på maks produksjon. Den brukar då om lag 1100 kg med flis, som tilsvarar to lass med grabben i timen. Ørsta Eldhus har dermed stor nok kapasitet til å varme opp om lag 500 einebustder i året.

Rødset Kraftverk vart sett i drift i 2015.

Kraftverket har ein middelproduksjon på om lag 7 GWh. Fallhøgda er 38 meter og installert effekt er 2,2 MW. Rødset er et elvekraftverk som nyttar vatnet i Storelva.

Tekniske data:

Dam

• Topp inntaksdam 280 m.o.h.
• Produserer etter tilsig, med fast vasstand i dammen
• Nedslagsfelt: 54,8 km2

Vassveg

• Nedgrove 680 meter rørgate i GRP-rør (180 cm)

Aggregat 1

• Generator: 1600 kVA GSH 710 (TES)
• Turbin: 1450 kW Horisontale Francis

Aggregat 2

• Generator: 800 kVA GSH 500 (TES)
• Turbin: 720 kW Horisontale Francis

Furset Kraftverk vart sett i drift 1. mai 2007.

Kraftverket har ein middelproduksjon på 18 GWh. Fallhøgda er 289 meter og innstallert effekt er 4,8 MW. Inntaksdammen er på Syrevad (ved RV60) og kraftstasjonen er ved utløpet av Fursetelva.

Tekniske data:

Dam Syrevad

• Topp inntaksdam 402,50 m.o.h.
• Produserer etter tilsig, med fast vassstand i dammen
• Nedslagsfelt: 18,1 km2

Vassveg

• Nedgrove 1400 meter med 900 mm rørgate
• 430 meter med duktile støypejarnsrør
• 970 meter med GRP-rør

Aggregat

• Generator: 5,2 MVA Global Hydro (Leroy Somer)
• Pelton turbin 4,8 MW, VA Tech Hydro AS

Den mekaniske og tekniske utrustinga av kraftstatsjonen er levert av VA Tech Hydro AS.
Anleggsarbeidet er utført av Opshaug Sandtak AS, med underentreprenørane Kjell Nordang AS på betongarbeid og Ous & Emdal Bygg AS på snikkararbeidet. Inntaksluke og inntaksrist er levert av Engeset Mekaniske Verksted AS.

Fausa kraftstasjon ligg ved Storfjorden om lag 8 km nord for Stranda sentrum. Kraftverket utnyttar fallet frå Nysætervatnet og ned til sjøen. Det er ikkje køyrbar veg til kraftstasjonen, og naturleg tilkomst er difor sjøvegen. I dag har Fausa kraftstasjon en årsproduksjon på 42 GWh, noko som tilsvarar årsforbruket til 2100 husstandar.

Hovudbygningen som no er Fausa kraftverk var ferdig i 1952, og det vart då sett i drift eit aggregat på 3500 kW. I 1976 vart stasjonen fullt utbygd, med eit nytt aggragat på 5000 kW. Den totale effekten i kraftstasjonen er noko mindre enn den innstallerte generatoreffekten, så maks produksjon er 7000 kW.

I 1982 vart kraftstasjonen fjernstyrt, og etter den tid har det ikkje budd maskinistar fast på kraftverket. I 2004 vart maskinane frå 1939 skifta ut med ein ny på 720 kW. Frå 2005 vart det gjennomført eit omfattande moderniserings- og vedlikehaldsarbeid på Fausa. Det er nytt apparatanlegg, magnetiseringsutstyr og gjort bygnigsmessige utbetringar.

Tekniske data

Dam Nysætervatnet:
Høgste regulerte vasstand: 333,8 meter
Reguleringshøgd: 11,0 meter
Nedslagsfelt: 40 km2

Vassveg:
Tunnel: 1060 meter
Impregnert trerøyrgate: 1500 meter
Stålrøyr: 1275 meter

Aggregat 1:
Generator: Nebb 5,0 MVA. Byggjeår 1975
Turbin: 2 stråla pelton. Byggjeår 1952

Aggregat 2:
Generator, Siemens 3,5 MVA. Byggjeår 1952
Turbin: 1 stråla pelton. Byggjeår 1976

• Fallhøgd: 330 meter
• Nedslagsfelt: 40,0 km²
• Normalproduksjon: 37,0 GWh
• Installert effekt: 5,0 MW + 2,0 MW

Fausa minikraftverk var opphavet til Fausa kraftverk, og vart først sett i drift 29. november 1929. Valet av utbyggingsstad gjorde at det var høve til å utvide kraftverket etter kvart som trongen til meir kraft skulle melde seg. Fausa-aggregatet var då på 375 kW. Alt i 1935 vart generatoren skifta ut med en på 600 kW. I 1939 vart det bygt ny kraftstasjonsbygning, og det vart sett i drift ein ny generator på om lag 650 kW. Kraftverket vart modernisert i 2005.

Fausa minikraftverk har inntak på Brune (240 m.o.h ), og utnytter tilsiget nedanfor Nysætervatnet.

Tekniske data

• Generator: Hitzinger 850 KVA. Byggjeår 2004
• Turbin: 2 stråle pelton. Byggjeår 2004
• Fallhøgd: 240 meter
• Normalproduksjon: 3,0 GWh
• Installert effekt: 750 kW

Dalane kraftverk vart sett i drift i 1920, og modernisert i 2017. Kraftverket har ein årsproduksjon på om lag 8 GWh.

Dalane kraftverk ligg i Markane i Stryn kommune, og kom inn i Tussa med oppkjøpet av Stryn Energi i 2021. Dalane kraftverk har inntak i det regulerte Svingesetvatnet.

• Sett i drift: 1920, modernisert i 2017
• Fallhøgd:
• Nedslagsfelt:
• Normalproduksjon: 6,3 GWh
• Installert effekt: 1,4 MW

Tussa eig 60 prosent av Innvik kraftverk, Sogn og Fjordane Energi (SFE) eig 30 prosent av kraftverket, og dei siste 10 prosenta er eigt av lokale aksjonærar.

Innvik kraftverk vart sett i drift 2007 og har ein årsproduksjon på 45 GWh. Kraftverket ligg i Innvik i Stryn kommune. Dette er eit elvekraftverk som har inntak i Storelva ved Skådistøylen.

• Sett i drift: 2007
• Fallhøgd:
• Nedslagsfelt:
• Normalproduksjon: 45 GWh
• Installert effekt: 15 MW

Tenneelva kraftverk vart sett i drift i 2018, og har ein årsproduksjon på 10,5 GWh i eit normalår. Kraftverket ligg i Vanylven kommune.

• Sett i drift: 2018
• Fallhøgd: 404 meter
• Nedslagsfelt:
• Normalproduksjon: 4,3 GWh
  
• Installert effekt: 3,4 MW

Kraftverket vart sett i drift i januar 2015. Årsproduksjonen ved kraftverket er om lag 5 GWh. Skår kraftverk ligg i Vanylven kommune.

• Sett i drift: 2015
• Fallhøgd: 319 meter
• Nedslagsfelt: 3,4 km2
• Normalproduksjon: 4,8 GWh
• Installert effekt: 1,4 MV

Nesset kraftverk er det minste av Tussa sine kraftverk med ein normalproduksjon på 2,5 GWh i året. Kraftverket blei sett i drift i 1947.

Våren 1946 starta utbygginga av Nesset kraftverk, som stod ferdig i 1947. Kraftverket er eit magasinkraftverk som ligg i Hareid kommune, og det utnyttar Nessetelva med Svartevatnet som inntaksbasseng. Frå Svartevatnet går det eit 1 200 m langt overføringsrør til Hammarstøylvatnet, som er kraftverket sitt hovudbasseng. Kraftverket kom inn i Tussa med oppkjøpet av Hareid kommunale elverk i 1996.

• Sett i drift: 1947
• Fallhøgd: 195 m
• Nedslagsfelt: 4,7 km2
• Normalproduksjon: 2,2 GWh i året
• Installert effekt: 0,4 MW

Bruelva kraftverk vart sett i drift 24. september 2014. Årsproduksjon ved kraftverket er 3 GWh. Kraftverket ligg i Vanylven kommune.

• Sett i drift: 2014
• Fallhøgd: 237,5 meter
• Nedslagsfelt: 2,7 km2
• Normalproduksjon: 3,2 GWh
• Installert effekt: 1,0 MW

Vartdal kraftverk vart sett i drift i 1934, modernisert i 1978 og no står det framfor ei ny modernisering. Kraftverket produserer 3,5 GWh i eit normalår.

Vartdal kraftverk er eit magasinkraftverk som ligg på Vartdal i Ørsta kommune. Utbygginga omfattar utnyttinga av Risaskarfallet.

• Sett i drift: 1934
• Modernisert i 1978
• Fallhøgd: 392 m
• Nedslagsfelt: 4,4 km2
• Normalproduksjon: 3,6 GWh i året
• Installert effekt: 0,4 MW

Ulsteindalen kraftverk er Tussa sitt eldste kraftverk, sett i drift i 1917. Kraftverket har ein normalproduksjon på 5 GWh i året.

Kraftverket er eit magasinkraftverk som ligg i Ulsteindalen i Ulstein kommune, og utnyttar Ulsteinelva og nedslagsfelta kring Lisjevatnet, Mosvatnet og Tjeldstjenna.
Ulsteindalen kraftverk vart sett i drift i 1917. I 2000 vart kraftverket modernisert, og ein ny stasjon vart bygt ved sidan av den gamle. Den gamle kraftstasjonen er teken vare på, og vert i dag nytta som møte- og selskapslokale.

• Sett i drift: 1917
• Modernisert 2001
• Nedslagsfelt: 7,4 km2
• Fallhøgd: 196 m
• Normalproduksjon: 4,9 GWh per år
• Installert effekt: 1,2 MW

Dalegjerdet kraftverk vart sett i drift i 2012. Kraftverket har ein normalproduksjon på 6 GWh i året.

Dalegjerdet kraftverk er eit elvekraftverk som ligg på Standaleidet i Ørsta kommune. Kraftverket ligg i same vassdrag som Standal kraftverk, og inntaket til Standal kraftverk er rett nedanfor Dalegjerdet kraftstasjon. Ved at vatnet renn frå eit kraftverk til eit anna blir vassressursane utnytta maksimalt.

• Sett i drift: 2012
• Fallhøgd: 191 m
• Nedslagsfelt: 4,6 km2
• Normalproduksjon: 4,3 GWh i året
• Installert effekt: 2,3 MW

Draura kraftverk vart sett i drift 7. februar 2013. Produksjonen ved kraftverket er 6 GWh i eit normalår.

Draura kraftverk er eit elvekraftverk som ligg på Viddal i Volda kommune. Draura kraftverk ligg rett ved Viddal kraftverk. Vatnet frå Draura kraftverk renn vidare til Viddal kraftverk, og slik blir vatnet utnytta maksimalt.

• Sett i drift: 2013
• Fallhøgd: 195 m
• Nedslagsfelt: 5,4 km2
• Normalproduksjon: 6,2 GWh i året
• Installert effekt: 2,5 MW

Gjerdsvika kraftverk vart sett i drift i 1954 og modernisert i 2007. Normalproduksjonen er 13 GWh i året.

Gjerdsvika kraftverk er eit magasinkraftverk i Sande kommune, og det utnyttar fallet mellom Sædalsvatnet og sjøen, ei fallhøgd på 194 meter. Gjerdsvika kraftverk kom inn i Tussa med oppkjøpet av Sunnmøre Energi i 1996.

• Sett i drift: 1954
• Modernisert i 2007
• Fallhøgd: 194 m
• Nedslagsfelt: 12,7 km2
• Normalproduksjon: 14,3 GWh i året
• Installert effekt: 4 MW

Vatne kraftverk har ein normalproduksjon på 13 GWh per år. Kraftverket vart sett i drift i 1987.

Vatne kraftverk er eit elvekraftverk som ligg på Vatne i Ørsta kommune. Utbygginga omfattar det naturlege fallet i Storelva mellom Bjørdalstjønna og Vatnevatnet.

• Sett i drift: 1987
• Fallhøgd: 93 m
• Nedslagsfelt: 36 km2
• Normalproduksjon: 14 GWh i året
• Installert effekt: 2,5 MW

Kolfossen kraftverk er av dei eldste kraftverka i Tussa, sett i drift i 1920. Kraftverket har ein normalproduksjon på 14 GWh i året.

Kolfossen kraftverk er eit magasinkraftverk som ligg i Austefjorden i Volda kommune. Kolfossen kraftverk utnyttar fallet mellom Kalvatnet og Langvatnet. Kraftverket kom inn i Tussa med oppkjøpet av Volda Energiverk i 1996.

• Sett i drift: 1920, modernisert i 2003
• Fallhøgd: 46 m
• Nedslagsfelt: 61,8 km2
• Normalproduksjon: 13,7 GWh i året
• Installert effekt: 2,8 MW

Vedeld kraftverk vart sett i drift i oktober 2003. Årsproduksjon i kraftverket er på 15 GWh.

Vedeld kraftverk er eit elvekraftverk som utnyttar eit 260 m høgt fall i Vedeldselva. Nedslagsfeltet er på 11,3 km2 og omfattar Sundnesdalen og Myrkevatnet. Kraftverket ligg på Rovde i Vanylven kommune.

• Sett i drift: 2003
• Fallhøgd: 260 m
• Nedslagsfelt: 11,3 km2
• Normalproduksjon: 14,8 GWh i året
• Installert effekt: 3,9 MW

Viddal kraftverk vart sett i drift i 2012. Kraftverket har ein årsproduksjon på om lag 17 GWh.

Viddal kraftverk er eit elvekraftverk som ligg på Viddal inst i Hjørundfjorden i Ørsta kommune. Inntaket til Viddal kraftverk ligg rett nedanfor Draura kraftverk. Ved at vatnet frå Draura kraftverk renn vidare til Viddal, blir vassressursane utnytta maksimalt.

• Sett i drift: 2012
• Fallhøgd: 243 m
• Nedslagsfelt: 12,7 km2
• Normalproduksjon: 14,5 GWh i året
• Installert effekt: 5,49 MW

Osdalen kraftverk har ein normalproduksjon på 16 GWh per år. Kraftverket vart sett i drift i 2021.

Kraftverket utnyttar ei fallhøgd på 177 meter. Inntaket er bygd nedstraums Osdalssætrevatnet, og ei knapt to kilometer lang nedgraven røyrgate fører vatnet til kraftstasjonen, som står like framom Osdalsgardane. Kraftverket har ein installert effekt på 4,3 MW. For å føre krafta ut på nettet har Tussa lagt ein vel 6,5 kilometer lang straumkabel frå Kalvatn til Osdalen.

• Sett i drift: 2021
• Fallhøgd: 177 m
• Normalproduksjon: 16,8 GWh i året
• Installert effekt: 4,3 MW

Kopa kraftverk vart sett i drift i 1937 og har ein normalproduksjon på 17 GWh i året.

Kopa kraftverk er eit magasinkraftverk som ligg i Austefjorden i Volda kommune. Kraftverket utnyttar fallet mellom Osdalsvatnet og Kalvatnet. I 1934 blei kapasiteten i Kolfossen kraftverk for liten for Volda kommune, og utbygginga av Kopafallet vart sett i gang i 1936. I desember 1937 vart Kopa kraftverk sett i drift. Kraftverket blei modernisert i 1993. Kopa kraftverk kom inn i Tussa med oppkjøpet av Volda energiverk i 1996.

• Sett i drift: 1937, modernisert i 1993
• Fallhøgd: 83 m
• Nedslagsfelt: 40,8 km2
• Normalproduksjon: 16,9 GWh i året
• Installert effekt: 2,6 MW

Standal kraftverk vart sett i drift i 2012. Kraftverket har ein årsproduksjon på om lag 18 GWh.

Standal kraftverk er eit elvekraftverk som ligg på Standal i Ørsta kommune. Inntaket til Standal kraftverk ligg rett nedanfor Dalegjerdet kraftstasjon. Ved at vatnet renn frå eit kraftverk og til eit anna, blir vassressursane utnytta maksimalt.

• Sett i drift: 2012
• Fallhøgd: 258 m
• Nedslagsfelt: 13 km2
• Normalproduksjon: 16,4 GWh i året
• Installert effekt: 5,49 MW

Dale kraftverk vart sett i drift i 1990, og har ein normalproduksjon på 21 GWh i året.

Dale kraftverk er eit magasinkraftverk som ligg på Dale i Volda kommune. Utbygginga tok til i 1988, og omfattar utnyttinga av det naturlege nedslagsfeltet i Lisjebøelva.

• Sett i drift: 1990
• Fallhøgd: 619 m
• Nedslagsfelt: 6,2 km2
• Normalproduksjon: 23,2 GWh i året
• Installert effekt: 5,2 MW

Trandal kraftverk vart sett i drift i desember 2005. Årsproduksjonen er på 25 GWh i eit normalår.

Trandal kraftverk er eit elvekraftverk og ligg like ved sjøen i bygda Trandal i Hjørundfjorden.

• Sett i drift: 2005
• Fallhøgd: 443 m
• Nedslagsfelt: 10 km2
• Normalproduksjon: 20,9 GWh i året
• Installert effekt: 8 MW

Urke kraftverk vart sett i drift i 2008. Normalproduksjonen er på 35 GWh i året. Urke kraftverk er eit elvekraftverk som ligg i bygda Urke i Norangfjorden i Ørsta kommune.

• Sett i drift: 2008
• Fallhøgd: 353,5 m
• Nedslagsfelt: 15 km2
• Normalproduksjon: 21,4 GWh i året
• Installert effekt: 9,95 MW

Bjørdal kraftverk er eit av dei eldste kraftverka i Tussa, bygd i 1931. Kraftverket har ein normalproduksjon på 33 GWh i året.

Bjørdal kraftverk ligg i Ørsta kommune, og det var Ørsta Energiverk som bygde ut kraftverket på 1930-talet. Kraftverket blei ein del av Tussa i 1997, då Tussa kjøpte Ørsta Energiverk.

Bjørdal er eit magasinkraftverk. Utbygginga av kraftverket tok til i 1930 og omfatta utnyttinga av Kvandalsfallet. Nordalsprosjektet i 1997 auka produksjonen i kraftverket, ved at ein 1 350 meter lang tunnel fører vatn inn til Kvandalsvatnet.

• Sett i drift: 1931, modernisert i 1977
• Fallhøgd: 293 m
• Nedslagsfelt: 23 km2
• Normalproduksjon: 30,5 GWh i året
• Installert effekt: 4,3 MW

Tussa kraftverk er det største kraftverket i Tussa, med ein normalproduksjon på 260 GWh i året. Kraftverket vart sett i drift i 1961 og modernisert i 1995.

Tussa kraftverk er eit magasinkraftverk som ligg på Bjørke, inst i Hjørundfjorden i Volda kommune. Kraftverket utnyttar fallet mellom Tyssevatnet og sjøen. Utbygginga tok til i 1958 og gjekk fram i tre byggjesteg:

1. Det første byggjesteget var ferdig i 1961 og omfatta sjølve stasjonen og utnyttinga av dei naturlege nedslagsfelta til Tyssevassdraget.
2. Tussa byggjer eit tunnelsystem, takrenneprosjektet, på 14,77 km med i alt 7 inntak, som leier vatnet frå nabovassdrag, hovudsakleg i Hornindal, over til Tyssevatnet. Produksjonen ved kraftverket var no fordobla.
3. Overføring av nedslagsfeltet til Kårdøla tok til i 1982 og var ferdig i desember 1983.

• Sett i drift: 1961, modernisert i 1995 og 2019
• Fallhøgd: 637 m
• Nedslagsfelt: 56,8 km2
• Normalproduksjon: 280 GWh i året
• Installert effekt: 60 MW

Åmela kraftverk vart sett i drift i 1977. Normalproduksjonen er på 132 GWh i året.

Bygginga av Åmela kraftverk tok til i september 1973. Åmela er eit magasinkraftverk som utnyttar det naturlege nedslagsfeltet til Åmelaelva, i tillegg til overføring av vatn frå ei rekkje mindre nabovassdrag. Det siste av fire byggjesteg vart avslutta i 1980, 3 år etter at stasjonen blei sett i drift. Kraftverket ligg på Åmelfot, inst i Dalsfjorden i Volda kommune.

• Sett i drift: 1977, modernisert i 2016 og 2023
• Fallhøgd: 536 m
• Nedslagsfelt: 34,2 km2
• Normalproduksjon: 136,2 GWh per år
• Installert effekt: 33 MW

Sørbrandal kraftverk vart sett i drift i 1951 og modernisert i 2003. Normalproduksjonen er på 40 GWh i året.

Sørbrandal kraftverk er eit magasinkraftverk i Vanylven kommune som utnyttar fallet mellom Børevatnet og sjøen, ei fallhøgd på 370 meter. L/L Søre Sunnmøre Kraftlag, seinare Sunnmøre Energi, bygde kraftverket. Kraftverket kom inn i Tussa med oppkjøpet av Sunnmøre Energi i 1995.

• Sett i drift: 1951, modernisert i 2003
• Fallhøgd: 366 meter
• Nedslagsfelt: 29 km2
• Normalproduksjon 42,6 GWh i året
• Installert effekt: 9 MW