Bodil Molvik, berekraftsansvarleg i Tussa, saman med Thomas Sætre Hauge, fotballeiar GIL, Kim Hauge Sætre, leiar GIL, Marthe Longva Strandbakken, styremedlem fotball GIL og Åse-Lill Vik, styremedlem Fotball GIL.
50 000 kroner til felles fotballsatsing i Sande
15.09.2026
Tussa berekraftsfond har tildelt 50 000 kroner til ei ny satsing på aldersbestemt fotball i Sande.
Gursken IL, Gjerdsvika IL, Kvamsøy IL, Sandsøy IL og Sande FK går saman om eit felles tilbod for barn og unge. Frå 2027 skal laga spele under namnet Sande FK, med nye drakter og felles profil. Målet er å sikre eit godt fotballtilbod i ei tid med færre born og mindre årskull. Samarbeidet skal gi fleire høve til å stille lag og skape eit større fotballmiljø på tvers av bygdene.
Tilskotet frå berekraftfondet bidreg til å få den nye satsinga god i gang, og til å styrke samarbeidet mellom klubbane.
Vi ønskjer lukke til!
