Sidan juni 2021 har det vore arbeidd med ei mogleg samanslåing mellom Tussa Kraft og Stranda Energi Holding. 23. november 2022 fatta Stranda kommunestyre positivt vedtak om samanslåing. 27. januar 2023 vart det gjort positivt vedtak i generalforsamlinga i Tussa Kraft. Planen er å gjennomføre samanslåinga i løpet av første halvår 2023.

Sterkare saman

Det er forventa at det samanslege selskapet vil levere betre avkastning enn selskapa vil prestere kvar for seg. Tussa Kraft har også i løpet av dei seinaste åra arbeidd med å tilpasse seg styresmaktene sine krav til korleis energiforsyninga bør organiserast. Konsernsjef i Tussa Kraft, Elling Dybdal, seier at Tussa har gode erfaringar med å samarbeide med andre, gjennom etablering av selskapa Mørenett og Wattn, samanslåing med Energiselskapet Stryn og fusjonen mellom Mørenett og Linja.

- Samarbeid er også naudsynt for at selskapa skal levere konkurransedyktige produkt og tenester til kundane, seier Dybdal.

Stranda Energi Holding sine forretningsområde passar godt saman med Tussa sine og det er samanfall i kraftnett, kraftproduksjon, kraftomsetning og breibandsfiber.

Medarbeidarane i Stranda Energi Holding med dotterselskap, og dei aktuelle selskapa som Tussa Kraft eig i, har vore involverte i prosessen. Ingen medarbeidarar vil miste arbeidet som følgje av samanslåinga.

Stranda kommune får ein eigardel i Tussa Kraft på 6,6 prosent etter samanslåinga.

Ny eigarfordeling i Tussa