Bakgrunnen for arbeidet var aldring i olje og papirisolasjon, avdekt gjennom rutinemessige oljeprøver. For å sikre at kraftproduksjonen framleis skal vere trygg og stabil ved Tussa sitt største kraftverk, vart det gjennomført ei teknisk oppgradering og livstidsforlenging.

Transporten av den 40 tonn tunge transformatoren ut og inn av fjellanlegget var ei logistisk utfordring. Tunnelen inn i fjellet er dimensjonert etter køyretøy frå 1960, og fleire transportfirma trekte seg etter å ha vore på synfaring. Royal Transport tok på seg oppdraget, og etter laserskanning av tunnelen og simulering, vart det klart at transporten var mogleg, med små marginar.