Dagen starta med ei omvisning på Rødset kraftverk, der elevane fekk eit innblikk i korleis eit vasskraftverk fungerer. Etter omvisninga gjekk turen vidare til Linja og Tussa på Stranda. Der fekk elevane vite meir om kva Tussa og Linja driv med, og kva jobbmoglegheiter som finst i selskapa.

Vi håpar det var ein lærerik og inspirerande dag for ungdommane.

Tussa tek gjerne i mot skuleelevar for å vise fram anlegga og kontora våre, enten det er vasskraftverka, Ørsta eldhus, datasenteret eller installasjonsverksemda. Vi ser det som ein del av samfunnsansvaret vårt å syne fram aktiviteten vår, dele kunnskap og vise kva arbeidsmoglegheiter som finst lokalt.