• Overvaking av alarmar i normaltida frå kl. 08.00 - 16.00
• Vidareformidling av meldingar innan to timar
• Logging av alarmar og hendingar 24 timar i døgnet
• Rapportar ved behov

Ved å kombinere driftserfaringa vår og IT-tenestene våre med verktyet dbWatch, vil du kunne ha god kontroll over alle databasene dine.

Alarmar kjem automatisk inn i Tussa IKT sitt overvakingssystem og blir fulgt opp av den bemanna 2. linjetenesta vår. Dette vil sikre deg rask og profesjonell oppfølging av dei mest verdifulle dataene dine.

Vidare oppfølging av alarmar vert avtalt direkte med deg som kunde. Rapportar som inneheld data over ei lengre tidsperiode vil hjelpe deg å gjere dei rette tiltaka.

Databasar som i starten er små og enkle kan over tid bli så store at det kan vere føremålstenleg å gjere strukturelle endringar. Slike trendar vil ein kunne sjå i rapportar som innneheld historiske data.

Vi har god erfaring med overvaking og oppfølging av ulike miljø hos fornøgde kundar som nyttar verktyet i dag.

1. Installert dbWatch-agent på database-server
2. VLAN/VPN samband mellom kundeserver og dbWatch-server hos Tussa Management
3. HP Operation-agent ute hos kunde for full integrasjon

Ved å setje vekk IT-drifta til oss er bedrifta di sikra trygg datalagring og stabil drift av alle program. Vi syter for alt frå dagleg drift via antivirusløysingar til backup med faste intervall.

Du slepp å bruke tid på å syte for at datamaskinene dine til ei kvar tid er oppdaterte med det siste av programvare og tryggleiksløysingar. Du slepp også å møte krav om kunnskap og oversikt for å halde bedrifta sine IT-system i stabil drift. Den jobben tek Tussa IKT.

ASP-løysinga er kostnadseffektiv. I tillegg til lågare driftsutgifter kan du budsjettere med ein fast kostnad pr. månad for kvar brukar. Du betalar berre for brukarar du har, noko som gjev fleksibilitet ved justeringar i organisasjonane. Du slepp å investere i nye serverar, og levetida på PCane aukar.

Om kundane våre møter på problem er ikkje hjelpa lenger enn ein telefonsamtale unna; Tussa Servicedesk er Tussa sitt eige driftssenter, og medarbeidarane her har høg kompetanse og lang erfaring med kundehandsaming.