Olav Johan Botnen frå Volt Power Analytics presenterte kraftpris-utviklinga i NO3 fram mot 2030. Han peika på at fyllingsgraden i magasina i Midt- og Nord-Noreg er svært mykje høgare enn normalt, noko som gir lågare kraftprisar i desse områda. Botnen la fram prognosar som viser eit strukturelt kraftoverskot i nordlege Noreg og Sverige fram til 2029, medan sørlege Noreg vil oppleve eit underskot, og difor får høgare kraftprisar.

Lars Semb Maalen-Johansen frå Ecohz snakka om porteføljeforvaltning og opphavsgarantiar, og presenterte ulike miljømerke som kan auke verdien på fornybar kraft.

Tussa ved Anders Eidså i krafthandelsavdelinga, presenterte utviklinga i marknadsdesign og overgangen til 15 minutt balansemarknad. Han la fram oppdateringar om kostnadsutvikling og avgiftsstruktur, og utfordringar knytt til balansemarknaden. Eidså peika på at god prognosekvalitet og digitale løysingar er avgjerande for å handtere ubalanse i marknaden.

Småkraftseminaret er eit årvisst arrangement i regi av Tussa, og deltakarane er småkrafteigarar frå regionen. Seminaret er ein viktig møtestad for småkrafteigarar, g gir rom både for fagleg oppdatering, erfaringsutveksling og drøs.