I snitt tek det over 200 dagar før eit datainngrep vert oppdaga, og i mellomtida kan vondsinna aktørar ha tilgang til bedrifta sine system og data. 

Tidleg varsling hindrar store konsekvensar

Dei fleste cyberangrep skjer utanfor normal arbeidstid, og tida det tek før hendingar vert oppdaga er kritisk for å setje i verk tiltak og unngå nedetid og økonomiske tap. I samarbeid med vår partnar NTT Security hjelper vi bedrifter med å oppdage og handtere nye cybertruslar før det er for seint, ved hjelp av maskinlæring, trusseletterretning og dei fremste sikkerheitsanalytikarane i Norden.

MDR står for Managed Detection and Response, og SOC står for Security Operations Center. Kombinert gir dette ei døgnkontinuerleg teneste som overvakar, analyserer og varslar ved mistenkeleg aktivitet.

Tenesta inkluderer overvaking og analyse av aktivitetsloggar frå Microsoft Azure, Google Cloud Platform og AWS, samt klientar og infrastruktur. Ved kritiske hendingar får du eit varsel, og kompromitterte klientar kan isolerast automatisk.

Eit sterkt IT-forsvar døgnet rundt, heile året

MDR-SOC 24/7 er utvikla for å møte den nye trusselkvardagen, med ein prismodell som skalerer for både små og store bedrifter.