Tussa Installasjon i gang med å leggje fiber i Dalsfjorden
Fiberutbygging i Dalsfjorden
21.04.2022
Arbeidet med å få fiber til Dalsfjorden er godt i gang. Det er om lag 150 husstandar og 10 bedrifter som får fiber etter denne utbygginga.
Internettet vil gå like raskt til lands som til vanns og i lufta med, når utbygginga er ferdig i Dalsfjorden. For å føre fiberen fram til kundane i bygdene langs fjorden vert det hengt opp 18 000 meter fiberkabel i lufta, 7 000 meter i jorda og 24 600 meter i sjøen som sjøkabel.
Det er totalt 8 strekk med sjøkabel innover fjorden:
- Lauvstad – Nautvika (5000 m)
- Nautvika – Dravlaus (2100 m)
- Løvikneset – Lyngneset (1400 m)
- Lyngneset – Aksnes (4000 m)
- Aksnes – Dalsbygda (1800 m)
- Dalsbygda – Fjøsneset (4900 m)
- Fjøsneset – Hatleneset (4100 m)
- Hatleneset – Åmelfot (1300 m)
Dei første kundane vil bli kopla til fibernettet no i vår, og dersom alt går som planlagt vil alle ha fått fiber i løpet av hausten.
