Sandetun sjukeheim valde SolarAnchor
Sandetun sjukeheim på Larsnes har fått solcelleanlegg på taket. I dette prosjektet brukte Tussa for første gong det nye festesystemet vårt for flate tak, SolarAnchor.
Kjell Hauge, prosjekt- og byggeleiar i Sande kommune seier at løysinga fungerer godt.
Vi ser det vart ei smekrare og finare løysing. Med innfesting og ballast i eitt og same system, så vart byggjetida kortare. I tillegg er det eit berekraftig system, som både er produsert og levert lokalt.
Utvikla for norske forhold
SolarAnchor er utvikla av Tussa i samarbeid med entreprenørverksemdaA. Våge. Systemet kombinerer ballast og festing i ein komponent, noko som gjer arbeidet på taket enklare og billegare.
For deg som kunde betyr dette:
- Raskare og billegare montasje
- Ballasten er konstruksjonen, det er ikkje behov for ekstra strukturar
- Integrert kabelgate for ryddig kabelføring
- Norskprodusert med kortreiste og miljøvennlege material
Enkel og trygg løysing
Per Kristian Kile, gruppeleiar næring i Tussa Installasjon forklarer bakgrunnen slik:
- Vi ønskte ei løysing som gjer montasjen enklare, samstundes som ho toler det veret vi har her.
Produktutviklaren forklarer løysinga
Kva gjer SolarAnchor til eit betre og billegare festemateriell for solcellepanel? I filmen møter du produktutviklaren bak løysinga.
Lågare energikostnader
Solcelleanlegget på Sandetun sjukeheim gir kommunen lågare energikostnader, samstundes som det er eit anlegg som er bygt på lokale løysingar og lokal kompetanse. Forventa årsproduksjon på anlegget er 150 000 til 200 000 kWh i året.
Solar Norge er sals- og marknadspartnar for SolarAnchor.