I romjula 1949, medan julefreden senka seg over fjord og fjell, samla representantar frå kommunane Hjørundfjord, Vartdal, Volda og Ørsta seg til eit historisk møte på Møre folkehøgskule. Dei hadde eit felles mål: å sikre framtida med elektrisk kraft, noko dei kalla like viktig som dagleg brød.

Etter møtet var det middag, og stemninga var både høgtideleg og framtidsretta. Dei ville byggje kraftverk, kraftlinjer, samkøyre kraftlag og styrke sambandet mellom bygdene. Med dette vart Tussa fødd, som eit initiativ frå kommunar med framtidstru og samarbeidsvilje. Grunnlaget som vart lagt denne dagen har stått seg.

I dag er Tussa framleis kommunalt eigt, no av ni kommunar. Frå det første vasskraftverket på Bjørke har Tussa utvikla seg til eit av regionen sine største energi- og teknologikonsern med over 320 medarbeidarar.

Men målet står fast: å vere til gagn for folk og lokalsamfunn, og ha kraft til å skape framtidsretta og miljøvennlege løysingar. 
 

Dagens spørsmål: 

Kva er Tussa sitt slagord?