(16.04.2018)
 

Resultat for Tussa i 2017

Tussa hadde samla driftsinntekter på 811,7 mill. kr og eit driftsresultat på 131,6 mill. kr i 2017.

Resultat før skatt vart 103,5 mill. kr, og etter skatt vart resultatet 56,8 mill. kr.
 
Driftsresultatet for konsernet er lågare i 2017 enn i 2016. Hovudårsaka til det er ei stor eingongsinntekt i 2016 innanfor forretningsområdet kraftnett. Finansresultatet i 2017 er vesentleg betre enn i 2016. Hovudårsaka til det er fisjonen av entreprenørverksemda i Mørenett til BKK Enotek.
 
Auke i kraftproduksjonen
Tussa produserte 745 GWh elektrisk kraft i 2017. Til samanlikning vart det produsert 681 GWh i 2016. Den gjennomsnittlege spotprisen i området vårt vart 27,5 øre/kWh i 2017. Dette ga eit driftsresultat for produksjons- og engrosverksemda på 77,8 (75,2) mill. kr, og eit resultat før skatt på 53,6 (58,8) mill. kr. Tal for 2016 i parentes.
 
Elling Dybdal, konsernsjef i Tussa
 
Forretningsområdet kraftsal hadde eit driftsresultat på 6,8 mill. kr (3,9) og eit resultat før skatt på 6,8 mill. kr (4,0).
 
Reduksjon i nettverksemda

Tussa eig 46,34 % av Mørenett AS, og Tussa sin del av Mørenett hadde eit driftsresultat på 41,2 mill. kr (114,0) i 2017, medan resultatet før skatt vart 57,2 mill. kr (106,9). Grunnen til reduksjonen i driftsresultatet er ei eingongseffekt i 2016 i samband med fusjonen mellom Tussa Nett og Tafjord Kraftnett. Finansresultatet i 2017 vart positivt og betre enn i 2016 grunna fisjonen av Mørenett entreprenør, og dette er mellom anna årsak til at resultatet etter skatt er betre enn driftsresultatet i 2017.

IKT i vekst
Forretningsområdet IKT hadde eit driftsresultat på 12,1 mill. kr i 2017 (9,7), medan resultatet før skatt vart på 4,1 mill. kr (3,2). Eksterne kommunikasjonsprodukt hadde ein omsetningsvekst på 11 % i 2017, og eksterne IT-produkt hadde ein omsetningsvekst på 5 %. Det er potensiale for ytterlegare vekst både innanfor kommunikasjons- og IT-tenester, og det er forventa sterkare resultat framover.
 
Positivt resultat i installasjon
Forretningsområdet installasjon hadde eit driftsresultat på 2,3 mill. kr i 2017 (3,2), medan resultatet før skatt vart på 2,4 mill. kr (3,4). Verksemda leverer positive resultat trass i at konkurransen i installasjonsmarkanden har vore utfordrande i 2017. Utover året har det likevel vore god ordreinngang og tilgang på arbeid for installasjon.
 
Investeringar
Tussakonsernet investerte for 232 mill. kr i 2017. Dei største investeringane er gjort innanfor fiber, kraftproduksjon og nettanlegg.
 
Auka utbyte
Utbytet som blir delt ut til eigarane skal vere forsvarleg i høve til det som er berekraftig for selskapet i eit langsiktig perspektiv. Styret har vedteke å avsetje 33,4 mill. kr til utbyte i 2017 (24,5), i samsvar med aksjonæravtalen som gir signal om eit utbyte på 60 % av gjennomsnittet av dei tre siste årsresultata. 
 
Nøkkeltal for Tussakonsernet 
2017
2016
Driftsinntekter
811,7 mill. kr
890,6 mill. kr
EBITDA
263,0 mill. kr
328,3 mill. kr
Driftsresultat
131,6 mill. kr
197,5 mill. kr
Resultat før skatt
103,5 mill. kr
137,6 mill. kr
Resultat etter skatt
56,8 mill. kr
84,7 mill. kr
Utbyte pr. aksje
11 000 kr pr. aksje
8 080 kr pr. aksje
Eigenkapital
850,0 mill. kr
831,4 mill. kr
Eigenkapitalprosent
34,8 %
35,6 %
Totalkapitalrentabilitet
6,6 %
8,7 %