RSS - Tussa
(24.09.2018)
 

Tussa på Lindbak Expo

For andre år på rad deltok Tussa på Lindbak Expo. Nærare 100 deltakarar samla seg på konferansen for å høyre siste nytt innanfor effektive arbeidsplassar, IT-sikkerheit, og eksponering på digitale flater.

Lindbak Expo er eit samarbeid mellom Lindbak, Reklameservice og Tussa, og har utvikla seg til å bli ein viktig fagdag i regionen.

Denne gongen var det arkitekturpsykolog Oddvar Skjæveland som var første føredragshaldar ut. Skjæveland kjem frå selskapet Mellomrom AS, og presenterte teori og praksis rundt bruk av ulike kontorløysingar. Kvifor vel dei fleste sunnmøringar framleis cellekontor, var spørsmålet han stilte. Skjæveland kom også med sine synspunkt på korleis ein kan optimalisere både cellekontoret og ope kontorlandskap.

Torgeir Waterhouse var neste mann ut med eit engasjert og tankevekkande innlegg om IT-sikkerheit. Waterhouse er direktør internett og nye medier i IKT Norge, og han snakka om risikoen og utfordringane ny teknologi fører med seg. Næringslivet står forran store utfordringar innanfor dette området og bedriftene må ta stilling til korleis dei skal handtere denne risikoen.
 

Torgeir Waterhouse engasjerte med sitt innlegg om ny teknologi, fallgruver og moglegheiter
 
Mange av tilhøyrarane hadde gledd seg til neste føredragshaldar, som var Marit Bjørgen. Bjørgen har åtte gull-, fire sølv-, og tre bronsemedaljer frå meisterskap, og er tidenes mestvinnande vinterolympier. Bjørgen snakke om prestasjonskultur,og i innlegget understreka Bjørgen kor viktig godt samarbeid og samhald i laget er for å kunne prestere godt i individuell idrett, og drog parallellar til næringslivet.
 

Fullsett sal før Marit Bjørgen snakkar om prestasjonskultur, og delte erfaringane sine frå toppidretten

 


 
 
 
 
DI SIDE
 
 
 
 
 
 
 

Gløymt passord?    Registrer brukar

Logg inn med

 
 
phone.png
Kundeservice 700 46 300
Sentralbord 700 46 200