Tema: Installering/oppsett

Kan eg kople fleire PC-ar til internett, og korleis gjer eg det?

Ja, du kan kople til så mange PC-ar du vil, men dette krev at du har ein switch/hub/router (omfordelar) som du kan kople til. Om du er usikker på dette eller kva du eventuelt skal kjøpe, ta gjerne kontakt.

Treng eg spesiell programvare for breibands-oppkopling?

Du treng ingen eigen programvare for Tussa breiband, då all nødvendig programvare er standard i alle operativsystem.

Kan eg bruke vanleg telefonleidning mellom PC-en (nettverkskortet) og modemet?

Nei, du må nytte ein såkalla TP-kabel (nettverkskabel), som er heilt forskjellig frå vanleg telefonkabel.

Er det vanskeleg å setje opp "breibandspakken"?

Nei, det følgjer med ei lettfatteleg bruksrettleiing i pakken.

Er det mogeleg å få fleire ip-adresser og/eller fast ip-adresse?

Ja, det er mogeleg å få fleire ip-adresser og fast ip-adresse. Det vil kome til ei ekstra avgift for administrering av ip-adresser.

Må eg ha eige nettverkskort eller følgjer det med i pakken?

Du må sjølv skaffe og få installert nettverkskort (Ethernett-kort) dersom det ikkje allereie er eit slikt kort i PC-en din. Dei fleste nyare PC-ar har slikt nettverkskort.

Følgjer det med antivirus eller brannmur i abonnementet?

Det følgjer ikkje med antivirus-program eller brannmur i abonnementet. Tussa tilrår at du skaffar deg dette.
Men som ein del av abonnementet ditt, scannar vi all inngåande- og utgåande e-post. På alle breibandsmodem er det innebygt ein enkel brannmur.

Kvifor viser ikkje sidene for breibandssjekken?

Mange kundar opplever at nettsidene for Breibandssjekken ikkje viser i nettlesaren.

Årsaka er at nettlesaren din varslar deg om at nettsida vår har usikkert innhald, og at du har valt (eller nettlesaren er innstilt slik) at usikkert innhald ikkje skal visast.

Dette er ein mellombels feil som skuldast at vi er i ferd med å auke sikkerheita på nettsidene våre, ved å innføre HTTPS-kryptering for all trafikk mellom pc-en din og oss.

Enno har vi ikkje rokke å få kryptering på alle tenestene som ligg utanfor sjølve nettsidene våre, men som vi har inkludert i sidene våre. Dette er tilfelle med til dømes Breibandssjekken.

Nettlesaren seier dermed frå om at noko av innhaldet på sida vår ikkje er sikra.

Fram til vi får på plass kryptering kan du følgje oppskrifta nedanfor for å vise sidene.

Slik løyser du problemet:

For å vise alt innhald på sidene våre må du godta å vise usikkert innhald når nettlesarprogrammet spør deg om det. Her er nokre av dei vanlegaste meldingane (for nettlesarar med norsk språk):

Internet Explorer 7 og 8 vil vise ein dialogboks som spør: "Vil du kun se det sikre innholdet på websiden?" Her må du svare "Nei" for å vise alt innhaldet.

Internet Explorer 9 og 10 vil gi ei melding i varsellinja nedst om at "Bare sikkert innhold vises". Her må du klikke "Vis alt innhold".

Andre nettlesarar kan ha andre meldingar. Les meldinga for å sjå kva du må gjere for å vise det usikre innhaldet.

MERK: Dette er trygt å gjere så lenge du er på Tussa sine sider. Men vi vil ikkje anbefale deg å alltid godta usikkert innhald når du er på andre nettsider. Du må alltid vurdere sjølv om du stolar på nettsider du er inne på.

For spesielt interesserte:

Les om HTTPS-kryptering (nettvett.no)
Les om usikkert innhald på nettsider (support.commfides.com)